-
Azərbaycanın ilk ədəbiyyat tənqidçilərindən biri Hənəfi Zeynallı 1928-ci ildə yazırdı:
"Əski sentimental-romantik, ağlayan və sızlayanlar ədəbiyyatı yerinə yeni bədiyyat yaranır. Köhnələrin yerini indilik zəif olsalar da, gənclər tutmağa başlayr…
Ədəbiyyatımızda olan cansızlıq hər kəsdə bir narazılıq törədirdi. Köhnə binanı təmir etdirmək mülahizəsi doğmuşdu…
Fəqət əskilər dağ başından enmək istəmirlər, arxalarında buraxdıqları uzun illərdə sərf etdikləri əmək üçün özlərinə xüsusi bir hörmət, xüsusi bir şərəf tələb edirlər.
Mübarizə davam etdikcə, əskilərdə dirilik əlamətləri görünmədikcə, gənclər təərrüzə başlayır və nəhayət, bütün Azərbaycanda vahid bir "Qızıl qələm ədəbiyyat cəmiyyəti" yaranır…"
("Seçilmiş əsərləri", Bakı, "Yazıçı", 1983, səh.150)
